Co obxectivo de frear o avance do COVID-19, o concello de Santiago de Compostela está a tomar unha serie de medidas para a prevención do contaxio. Debido a isto, a Fundación Refuxio de Animais pechará as portas ao público (incluído voluntariado) a partir de mañá sábado 14 de marzo e durante 15 días naturais, sen prexuízo das posibles prórrogas que se poidan acordar de aquí en diante polas autoridades sanitarias.
Como servizo municipal de acollida e albergue de animais extraviados e abandonados dos concellos de Santiago de Compostela, Teo, Vedra, Boqueixón, Val do Dubra, Brión e Touro, informamos de que non se suspende a actividade interna do centro nin as citas previstas cos adoptantes ou para os/as propietarios/as de animais extraviados, pero tomaranse as medidas pertinentes para evitar a concentración de persoas. Así mesmo, rógase á cidadanía que realice as súas consultas de forma telemática e que acuda presencialmente só nos casos imprescindibles.
Agradecemos a colaboración de todas as persoas e agardamos que esta situación se resolva o antes posible.
Iremos informando

Nos vindeiros días imos convocar dúas reunións para todos aqueles que nos fixestes chegar a solicitude cuberta para comezar como voluntarios no Refuxio de Bando. As charlas realizaranse no propio Refuxio e as datas son:

-Venres 6 ás 12:30

-Luns 9, ás 16:30

Agradecemos que nos confirmedes asistencia. En caso de que non poidades asistir pero sigades interesados, precisamos que nolo fagades saber para chamarvos en futuras ocasións, en caso contrario teriades que volvervos inscribir.

Hoxe estivemos no C.E.I.P. Agro do Muíño (Ortoño, Ames) cos nenos de 1° e 2° de Educación Primaria. Unha vez máis, estivemos informando sobre a labor que se realiza no Refuxio, a problemática do abandono e a responsabildiade que conleva ter un animal.
Moitísimas grazas a todas as profes e á directora, Mari, pola organización e a Iria por botarnos unha man 😉
Graciñas tamén ao noso enviado especial, Aluche, que segundo nos contaron quedou encantado coa experiencia e non deixou de moverse dun lado para outro para ir dar biquiños a todos os nenos e nenas que o reclamaban 😂
E graciñas unha vez máis a Iris 😘