Extravíos

Que facer para que non se perda?

• Identificar con microchip. É obrigatorio en Galicia dende xullo de 2003 (Decreto 90/2002 de 28 de febreiro) e nos seus 3 primeiros meses de idade. Consiste nun dispositivo de pequeno tamaño, como un gran de arroz, que se implanta cunha inxección no lado esquerdo do pescozo. Vale para toda a vida e só pode lerse cun lector. Se houbese cambio de domicilio, teléfono ou de dono, hai que comunicalo ao veterinario para que llo comunique ao REGIAC (rexistro galego de identificación de animais de compañía).
• Poñer unha placa gravada ou escribir cun rotulador permanente o teléfono no colar.

Que facer para atopar a nosa mascota?

• Comunicalo na túa clínica veterinaria así como non resto de clínicas da zona. Pode valer un cartel cunha foto e os datos do animal: sexo, tamaño, idade, tipo de pelo, se levaba colar e o teléfono de contacto.
• Comunicalo na Policía.
• Poñer carteis en establecementos e pola zona onde se extraviou.
• Achégate ao Refuxio ou chámanos aos teléfonos 981 575 957 – 646 492 835  ou podes enviarnos ao noso correo, extraviados@refuxio.gal, unha foto e as características do teu animal así como especificar a zona na que se perdeu e nós colgarémolo nesta web.
• Comunicalo ao resto de centros de acollida municipais e non municipais (canceiras e protectoras)
• Se tes a sorte de atopalo, comunícanolo.
• LEMBRA, canto máis xente o saiba, máis posibilidades haberá de poder atopar a túa mascota.

Aviso

A Fundación Refuxio de Animais non se compromete a avisar aos donos dos animais extraviados pola imposibilidade material e humana dado a gran cantidade de animais que ingresan no Refuxio e a gran cantidade de avisos de extravío. Suxerimos que:

• Consulten a nosa páxina web: www.refuxio.gal, na que aparecen os animais que ingresan cada semana.

• Poñemos a súa disposición a nosa web, na sección de ‘Extraviados’. Para isto, envíennos unha fotografía do animal e descrición do mesmo (o máis ampla posible) e datos de contacto que se poidan publicar.