A Fundación Refuxio de Animais, terá unha mesa informativa nesta Feira de Conxo, o vindeiro día 8 (e pode que tamén o 9, pendente de confirmar). Estaremos dende ás 10.30 ata ás 20.00h. Daráse, pola mañá e pola tarde, unha breve charla informativa sobre o traballo no Refuxio. As horas das charlas tamén as confirmaremos en canto saibamos o horario exacto. Estades todos invitados!

Este sábado 4 de maio, o Refuxio estará na Festa da Primavera que organiza a asociación cultural do Barrio de San Pedro, en Santiago. Estaremos dende as 10.30 da mañá ata as 21h.

As actividades serán todo ao longo da Rúa de San Pedro e dos Concheiros. Alí nos atoparás cos nosos cans e toda a información para colaborar connosco. Achégate!

Ver programa da Festa da Primavera

Este domingo 21 de abril, coincidindo coa proba deportiva de Canicross e BikeJoring organizada pola asociación ACADE no parque da Alameda de Santiago, tamén estaremos cunha mesa informativa, material para venda e algún dos animais do Refuxio. Podes facerte socio, apadriñar e incluso adoptar alí mesmo, se non te podes achegar ao Refuxio, a algún dos animais que levaremos xa listos. COLABORA CO REFUXIO

Este venres 19 abril e o próximo venres 26 de abril, estaremos no centro comercial As Cancelas (Santiago) cunha mesa informativa e material publicitario do Refuxio (camisetas, gorras, postais, mochilas,…) para a venda. Tamén podes colaborar facéndote socio, padriño,… alí mesmo. Ademáis, este venres 19 participaremos con algún dos cans do Refuxio, no desfile canino que terá lugar no mesmo centro comercial.

Todo o recaudado destinarase íntegramente ao Refuxio de Bando.

VEN A VERNOS!!’