527-18 JOYEL

Joyel é un de tantos gatiños que chegaron de cachorros ao longo do verán do 2018. Moitos foron marchando adoptados pero algúns outros, os menos afortunados e menos sociables, foron quedando sen que ninguén se fixase neles Cando chegou era bastante medroso e esquivo, de aí que ninguén se interesase nel xa que sempre había algún máis extrovertido que se facía ver. Agora, segue a ser algo reservado pero é sociable, curioso, lévase ben con outros gatos e é bastante lambón. Alguén se anima a darlle unha oportunidade? El tamén merece un fogar.