49-17 Furacán

Furacán chegou ao Refuxio a comezos do 2017, polo que xa leva máis de dous anos connosco. Ao principio chegou morto de medo, ocultábase nos lugares máis recónditos da gateira na que vive para pasar desapercibido.

A día de hoxe, aínda que segue a ser medoso, xa comeza a confiar un pouco e atura sen problemas a presenza humana, aínda que lle segue custando achegarse o suficiente como para darlle os agarimos que tanto se merece. É un mico noble, tranquilo e independente que busca un fogar onde a persoa ou persoas que o adopten poidan darlle o espazo e a compresión suficiente que un mico como Furacán precisa. Calcúlaselle que pode ter arredor de cinco anos.