422-19 Dama

Dama leva con nós dende o verán do 2019, logo de que a recollesen no concello de Teo, cando era apenas unha cachorriña de catro meses Sabemos que a súa vida anterior non foi boa, que foi un agasallo a un menor de idade, cuxa familia descoñecía a situación.

Ó pouco de chegar, unha familia interesouse nela pero, despois dun tempo, voltou con nós xa que non remataba de adaptarse.

É unha cadela activa, e algo bruta, que vai precisar pautas para que a súa transición a un fogar sexa o máis doada posible. Porén, é moi agarimosa e xoguetona, e busca sempre o agarimo da xente.

Non é compatible con femias e, con machos, depende un pouco do outro can. Agora mesmo convive cun can tranquilo co que non ten problema, pero pensamos que o ideal sería que fose o único animal da familia.

Precisa alguén que vexa máis alá da súa raza e que estea disposta a traballar con ela para demostrarlle que merece unha terceira oportunidade, que agardamos que sexa a definitiva.