374-19 Yago

Foi recollido nos arredores do Refuxio logo de que levase uns días pola zona. É un can boíño, moi activo e que non ten problema con outros cans.

Ademais, é extremadamente delicado e nunca tivo un mal xesto con ninguén a pesares de que fai uns meses tivo que estar hospitalizado e con curas tras ser mordido por un compañeiro de canil, e saír moi mal parado. Porén, nunca se queixou e deixábase manipular sen problema. Pensamos que logo de pasalo tan mal, é xa hora de que atope a familia que merece, que lle dea todos os mecos e todo o cariño que non tivo. Alguén se anima?