13-19 CHUSA

Chusa foi recollida nunha colonia felina de Teo xunto con outros membros da súa familia. Sempre foi unha das nosas gatiñas menos sociables, con moito medo e sen acabar de adaptarse ao Refuxio. Insistimos en que o Refuxio non é un punto limpo ao que levar os animais que estorban, no caso das colonias debe aplicarse o método C.E.S. ou C.E.R. e non optar pola solución máis rápida e fácil, que non é a mellor para os gatos.

Nos últimos meses está bastante cambiada, segue a ser algo desconfiada pero xa non escapa cando nos achegamos e xa se deixa acariñar. Nunha casa seguramente avanzase moito máis, pero isto só sería posible se alguén decide darlle unha oportunidade.

Chusa ten arredor de seis anos e é preciosa, pero sabemos que vai ser difícil que alguén se fixe nela polo seu carácter, pero hai que intentalo. Lévase ben con outros gatos e sabemos que noutro ambiente, aínda que non chegue a ser unha gata de colo (ou igual si), si pode cambiarlle o carácter. Precisa algo de tranquilidade e paciencia. Alguén se anima? Ela tamén merece unha oportunidade.