014-14 BOSCHA 7

As Boschas chegaron ao Refuxio xunto cos seus outros sete irmáns, de aí os seus nomes impersoais, diferenciándose unha da outra por un número. Salvo Boscha 5 e Boscha 7, todos os cachorros atoparon un fogar cando apenas tiñan uns meses de vida. Pero disto fai xa varios anos e elas aquí siguen con nós, agardando a súa oportunidade. Polo tanto, nunca coñeceron outra cousa máis alá do Refuxio.

Boscha 5 é máis inqueda e por iso ten algunhas cicatrices, porque ás veces pode chegar a ser un pouco pesada con outros cans, especialmente coa súa irmá. Boscha 7, porén, é a encargada de poñer calma en calquera situación, apreciando moito máis os agarimos que a súa irmá. Ambas son bastante activas e sociables, ademais de lambonas (nunca din que non a unha larpeirada, sexa cal sexa) e ben merecen un bo fogar que compense todos estos anos nun canil.