Sorteo Benéfico

SORTEO BENÉFICO!
Como xa vos fomos contando, ultimamente estannos chegando animais en moi malas condicións que precisan intervencións ou tratamentos custosos e, para colaborar, varias empresas da zona uníronse para botarnos unha man.
Nesta ocasión imos sortear unha noite para dúas persoas na Cabaña Lila de Cabanas da Ulla, na que ademais estarán agardando ao gañador os seguintes premios:
-2 cubos de Bico de Xeado
-2 prendas de Clockers
– 2 bastidores bordados a man de Variopinto

COMO PARTICIPAR?
O prezo de cada rifa é de 2€ e pódense obter fisicamente nos seguintes establecementos:
Tendas Bico de Xeado:
-Santiago de Compostela (Rúa do Vilar, 81)
– CC As Cancelas (Santiago de Compostela)
-Coruña (Avenida de La Marina, 21)
– Pontevedra (Rúa Michelena, 5)
Cabanas da Ulla
Refuxio de Bando

A Media Lúa Clínica Veterinaria (Milladoiro)

Peixecan Peluquería Canina (Rúa París, nº 19 G, Baixo, Santiago de Compostela)
Ámbito Moda (Rúa Ameneiral 12, Bertamiráns)

Tamén poderedes adquirilas por transferencia ao Refuxio de Bando. Neste caso o que tedes que facer para participar é ingresar os cartos correspondentes ao número de participacións que queredes mercar (se queredes escoller 2 números, serían 4€; 3 números, 6, etc.) ao noso número de conta ES66 2080 0388 2230 4000 0891 co concepto “Sorteo”. Unha vez realizado o pago, por mensaxe privada deberedes mandarnos o xustificante, así como o voso nome e apelidos, dirémosvos os números cos que participades e enviarémosvos a través das redes a rifa en formato electrónico.

COMO SE SELECCIONARÁ O GAÑADOR?
O gañador do sorteo será aquel que teña a rifa que coincida coas 3 últimas cifras do número gañador do sorteo da ONCE do xoves 24 de xuño de 2021.
Moita sorte!!!