540-18 DUQUE

Atopado nas instalacións do AVE no concello de Boqueixón, Duque é un dos avós do Refuxio, e a debilidade de moitos de nós. Nada máis saír do seu canil vai sempre na procura das carantoñas e os arrumacos dos voluntarios antes de darse un paseo polas instalacións. É un can agarimoso, nobre e obediente e desexamos que atope canto antes un fogar.

 

Ten arredor de dez anos e entregarase con contrato de adopción, desparasitado, vacinado, con chip e esterilizado.