70-17 Pedro

Pedro é un mico nobre, tímido, independente e tranquilo, ao que lle segue a custar confiar un pouco nos humanos, seguro que como consecuencia da súa vida pasada. Foi atopado no Barrio de San Pedro (Santiago de Compostela) no 2017 e dende entón segue con nós á procura de que alguén se fixe nel e lle ofreza un fogar definitivo. Lévase ben con outros gatos e aínda que segue a ser medroso, déixase manipular perfectamente e encántanlle as lambonadas.